ముషీరాబాద్‌లో బీజేపీ నేత ఆత్మహత్య.. సూసైడ్ వీడియో కలకలం

హైదరాబాద్‌: ముషీరాబాద్‌లో బీజేపీ నేత యాదగిరి ముదిరాజ్ ఆత్మహత్యకు పాల్పడిన ఘటన కలకలం రేపింది. తన ఆత్మహత్యకు మస్జీద్‌ కమిటీ సభ్యులే కారణమంటూ ఆయన ఓ వీడియో విడుదల చేసినట్లు సమాచారం.తన షాపు విషయంలో గత 20 ఏళ్లుగా కొందరు తనను తీవ్రంగా ఇబ్బందులకు గురిచేస్తున్నారని యాదగిరి ముదిరాజ్‌ వీడియోలో పేర్కొన్నట్లు తెలుస్తోంది. ఈ వ్యవహారంతో తాను తీవ్ర మనస్తాపానికి గురైనట్లు ఆయన ఆవేదన వ్యక్తం చేసినట్లు సమాచారం.వీడియో రికార్డ్ చేసిన అనంతరం యాదగిరి ముదిరాజ్‌ ఇంట్లో ఫ్యాన్‌కు ఉరివేసుకుని ఆత్మహత్యకు పాల్పడినట్లు తెలుస్తోంది. విషయం తెలుసుకున్న గాంధీనగర్‌ పోలీసులు ఘటనాస్థలికి చేరుకుని మృతదేహాన్ని గాంధీ ఆసుపత్రికి తరలించారు.ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. యాదగిరి ముదిరాజ్‌ వీడియోలో చేసిన ఆరోపణలపై కూడా పోలీసులు విచారణ చేపట్టినట్లు సమాచారం. షాపు వివాదానికి సంబంధించిన పూర్తి వివరాలు, ఆత్మహత్యకు దారితీసిన పరిస్థితులపై దర్యాప్తు అనంతరం మరింత స్పష్టత వచ్చే అవకాశం ఉంది.