నిన్నటి ఘటనపై సభలో క్షమాపణ చెప్తారని భావించా: స్పీకర్ గడ్డం ప్రసాద్ కుమార్

హైదరాబాద్: అసెంబ్లీలో నిన్న జరిగిన ఘటనపై బీఆర్ఎస్ సభ్యులు సభలో క్షమాపణ చెబుతారని భావించానని తెలంగాణ శాసనసభ స్పీకర్ గడ్డం ప్రసాద్ కుమార్ అన్నారు. సభ ప్రజాస్వామ్యబద్ధంగా కొనసాగాలన్నదే తన ఆలోచన అని తెలిపారు.హరీశ్ రావుకు మైక్ ఇస్తే నిన్న జరిగిన ఘటనపై క్షమాపణ చెబుతారని తాను భావించానని స్పీకర్ పేర్కొన్నారు. అయితే, క్షమాపణ చెప్పకుండా అంశాన్ని డైవర్ట్ చేసే ప్రయత్నం చేస్తున్నారని ఆయన వ్యాఖ్యానించారు.“హరీశ్‌కి మైక్ ఇస్తే క్షమాపణ చెప్తారు అనుకున్నా. కానీ డైవర్షన్ చేసే పనిలో ఉన్నారు. అందుకే కోపం అవ్వాల్సి వస్తుంది” అని గడ్డం ప్రసాద్ కుమార్ అన్నారు.సభలో సభ్యులందరూ ప్రజాస్వామ్యబద్ధంగా వ్యవహరించాలని, సభా కార్యక్రమాలు సజావుగా సాగేందుకు సహకరించాలని స్పీకర్ సూచించారు.