అందెల శ్రీరాములు నివాసంలో బీజేపీ రాష్ట్ర అధ్యక్షుడు రాంచందర్ రావు భేటీ.

తెలంగాణ బీజేపీ రాష్ట్ర అధ్యక్షులు ఎన్. రాంచందర్ రావు ఈరోజు మహేశ్వరం నియోజకవర్గ బీజేపీ ఇన్‌చార్జ్ అందెల శ్రీరాములు నివాసానికి చేరుకుని ఆయనతో భేటీ అయ్యారు.ఈ సందర్భంగా రాష్ట్రంలోని ప్రస్తుత రాజకీయ పరిస్థితులు, పార్టీ బలోపేతం, ప్రజా సమస్యలు, భవిష్యత్ కార్యాచరణపై ఇరువురు నేతలు సుదీర్ఘంగా చర్చించారు. మహేశ్వరం నియోజకవర్గంలో పార్టీని మరింత బలోపేతం చేయడంతో పాటు ప్రజా సమస్యలపై చేపట్టాల్సిన కార్యక్రమాలపై కూడా చర్చ జరిగినట్లు తెలుస్తోంది.అనంతరం రక్షాబంధన్ సందర్భంగా అందెల శ్రీరాములు కుమార్తెలు రాంచందర్ రావుకు రాఖీలు కట్టి రక్షాబంధన్ శుభాకాంక్షలు తెలిపారు. ఈ సందర్భంగా ఆయనను సాదరంగా సత్కరించారు.