*_తమిళనాడు గవర్నర్‌గా కిరణ్‌కుమార్‌రెడ్డి..?_**_తమిళనాడు గవర్నర్‌గా మాజీ సీఎం నల్లారి కిరణ్‌కుమార్‌రెడ్డిని నియమించే అవకాశాలపై రాజకీయ వర్గాల్లో చర్చ జరుగుతోంది. ప్రస్తుతం ఇన్‌చార్జ్ గవర్నర్‌గా రాజేంద్ర విశ్వనాథ్ అర్లేకర్ కొనసాగుతున్నారు._**_విజయ్ నేతృత్వంలోని టీవీకే రాజకీయ పరిణామాల నేపథ్యంలో.. విజయ్‌కు దగ్గరి సంబంధాలున్న కిరణ్‌ను గవర్నర్‌గా పంపడం వెనుక కేంద్రం వ్యూహం ఉందా..? అంటూ ఊహాగానాలు ఊపందుకున్నాయి._**_ఎన్డీఏ వైపు విజయ్‌ను తీసుకెళ్లే ప్రయత్నాల్లో భాగంగానే ఈ ఆలోచన అన్న ప్రచారం జరుగుతోంది.._*తమిళనాడు గవర్నర్‌గా కిరణ్‌కుమార్‌రెడ్డి..?తమిళనాడు గవర్నర్‌గా ఉమ్మడి ఆంధ్రప్రదేశ్ మాజీ ముఖ్యమంత్రి నల్లారి కిరణ్‌కుమార్‌రెడ్డిని నియమించే అవకాశాలపై రాజకీయ వర్గాల్లో చర్చ జరుగుతున్నట్లు ప్రచారం సాగుతోంది. ప్రస్తుతం తమిళనాడు గవర్నర్‌గా అదనపు బాధ్యతల్లో రాజేంద్ర విశ్వనాథ్ అర్లేకర్ కొనసాగుతున్నారు.తమిళనాడులో విజయ్ నేతృత్వంలోని తమిళగ వెట్రి కళగం (TVK) రాజకీయంగా వేగంగా ముందుకు సాగుతున్న నేపథ్యంలో ఈ ఊహాగానాలు ఆసక్తిని రేకెత్తిస్తున్నాయి. విజయ్‌తో కిరణ్‌కుమార్‌రెడ్డికి సన్నిహిత సంబంధాలు ఉన్నాయనే ప్రచారం నేపథ్యంలో.. ఆయన్ను తమిళనాడు గవర్నర్‌గా పంపడం వెనుక కేంద్ర ప్రభుత్వానికి ఏదైనా రాజకీయ వ్యూహం ఉందా? అనే చర్చ మొదలైంది.ముఖ్యంగా రానున్న తమిళనాడు రాజకీయ సమీకరణాల్లో విజయ్ పార్టీ కీలకంగా మారే అవకాశం ఉందని రాజకీయ విశ్లేషకులు అంచనా వేస్తున్నారు. ఈ నేపథ్యంలో విజయ్‌ను ఎన్డీఏకు దగ్గర చేసేందుకు కేంద్రం ప్రయత్నాలు చేస్తోందనే ప్రచారం కూడా తెరపైకి వచ్చింది.అయితే కిరణ్‌కుమార్‌రెడ్డిని తమిళనాడు గవర్నర్‌గా నియమించనున్నట్లు ఇప్పటివరకు అధికారిక ప్రకటన వెలువడలేదు. ప్రస్తుతం ఇవి రాజకీయ వర్గాల్లో జరుగుతున్న చర్చలు, ఊహాగానాలుగానే ఉన్నాయి
తమిళనాడు గవర్నర్‌గా కిరణ్‌కుమార్‌రెడ్డి..?
Related News
Latest News
