ప్రపంచ బ్యాడ్మింటన్ ఛాంపియన్‌షిప్‌ కాంస్య విజేతలకు సీఎం రేవంత్ రెడ్డి అభినందనలు

ఇటీవల జరిగిన ప్రపంచ బ్యాడ్మింటన్ ఛాంపియన్‌షిప్‌ మహిళల డబుల్స్‌ విభాగంలో కాంస్య పతకం సాధించిన బ్యాడ్మింటన్ జోడీ పుల్లెల గాయత్రి గోపీచంద్, త్రిసా జాలీలను తెలంగాణ ముఖ్యమంత్రి శ్రీ ఎ. రేవంత్ రెడ్డి గారు అభినందించారు.ప్రముఖ బ్యాడ్మింటన్ కోచ్ పుల్లెల గోపీచంద్ గారితో కలిసి గాయత్రి గోపీచంద్, త్రిసా జాలీ ముఖ్యమంత్రి గారిని జూబ్లీహిల్స్‌లోని ఆయన నివాసంలో మర్యాదపూర్వకంగా కలిశారు. ప్రపంచ స్థాయి వేదికపై అద్భుత ప్రతిభ కనబరిచి దేశానికి, రాష్ట్రానికి గర్వకారణంగా నిలిచినందుకు సీఎం వారికి అభినందనలు తెలిపారు.ఈ సందర్భంగా క్రీడాకారిణుల భవిష్యత్‌ విజయాలను ఆకాంక్షిస్తూ, అంతర్జాతీయ స్థాయిలో మరిన్ని పతకాలు సాధించాలని ముఖ్యమంత్రి రేవంత్ రెడ్డి కోరారు. క్రీడా రంగంలో ప్రతిభ కనబరుస్తున్న యువతను ప్రోత్సహించేందుకు ప్రభుత్వం పూర్తి సహకారం అందిస్తుందని తెలిపారు.ఈ కార్యక్రమంలో మంత్రి దుద్దిళ్ల శ్రీధర్ బాబు గారు, బ్యాడ్మింటన్ క్రీడాకారిణి పీవీవీ లక్ష్మి గారు పాల్గొన్నారు.