ఆంధ్రప్రదేశ్ రాష్ట్ర నలుమూలలా సూర్య వెలుగులు.

ప్రధాని శ్రీ నరేంద్ర మోదీ గారి ‘పీఎం సూర్య ఘర్’ పథకం అమలులో ఆంధ్రప్రదేశ్ దేశంలోనే అగ్రస్థానంలో నిలిచి నూతన అధ్యాయాన్ని లిఖించింది. సౌర విద్యుత్‌ వినియోగాన్ని ప్రోత్సహిస్తూ ఇంటింటికీ స్వచ్ఛమైన విద్యుత్‌ను అందుబాటులోకి తీసుకురావడమే లక్ష్యంగా ఈ పథకం అమలవుతోంది.రాష్ట్రవ్యాప్తంగా పెద్ద సంఖ్యలో కుటుంబాలు తమ ఇళ్లపై సోలార్‌ విద్యుత్‌ వ్యవస్థలను ఏర్పాటు చేసుకుంటున్నాయి. దీంతో నెలవారీ కరెంట్‌ బిల్లుల భారం గణనీయంగా తగ్గడంతో పాటు, భవిష్యత్‌లో విద్యుత్‌ ఖర్చుల నుంచి శాశ్వత ఉపశమనం పొందే అవకాశం ఏర్పడుతోంది.పర్యావరణ పరిరక్షణకు దోహదపడే సౌర విద్యుత్‌ వైపు ప్రజలను మరింతగా మళ్లించడంలో పీఎం సూర్య ఘర్‌ పథకం కీలకంగా మారింది. స్వచ్ఛమైన ఇంధనం–తక్కువ విద్యుత్‌ బిల్లులు–ఆర్థికంగా బలోపేతమైన కుటుంబాలు అనే లక్ష్యంతో ఆంధ్రప్రదేశ్‌ ముందుకు సాగుతోంది.