ధైర్యమే ఆయుధంగా.. ప్రజాసేవే లక్ష్యంగా: ఆంధ్రకేసరికి పవన్ కల్యాణ్ నివాళి

అమరావతి: తెలుగు ప్రజల ఆత్మగౌరవానికి ప్రతీకగా నిలిచిన ఆంధ్రకేసరి టంగుటూరి ప్రకాశం పంతులు జయంతి సందర్భంగా డిప్యూటీ సీఎం పవన్ కల్యాణ్ ఘన నివాళులు అర్పించారు. దేశ స్వాతంత్ర్య ఉద్యమంలో ఆయన ప్రదర్శించిన అసమాన ధైర్యం, ప్రజల కోసం చేసిన త్యాగాలు, విలువల పట్ల చూపిన అచంచల నిబద్ధత నేటి తరానికి స్ఫూర్తిదాయకమని పేర్కొన్నారు.ప్రజాసేవకు జీవితాన్ని అంకితం చేసిన ప్రకాశం పంతులు మద్రాస్ ప్రెసిడెన్సీ ముఖ్యమంత్రిగా, ఆంధ్ర రాష్ట్ర తొలి ముఖ్యమంత్రిగా కీలక బాధ్యతలు నిర్వర్తించారని పవన్ కల్యాణ్ గుర్తుచేశారు. ప్రజల హక్కుల కోసం నిర్భయంగా పోరాడిన ఆయన జీవితం ఎప్పటికీ ఆదర్శప్రాయమని అన్నారు.ఆంధ్రకేసరి జయంతి సందర్భంగా ఆయనకు పవన్ కల్యాణ్ హృదయపూర్వక నివాళులు అర్పించారు