రేవంత్ విదేశీ పర్యటనను కేంద్రం ఎందుకు ఆపింది? రాంచందర్‌రావు

బీజేపీ తెలంగాణ అధ్యక్షుడు ఎన్. రాంచందర్‌రావు సీఎం రేవంత్‌రెడ్డి విదేశీ పర్యటనకు కేంద్రం అనుమతి నిరాకరించడంపై కీలక వ్యాఖ్యలు చేశారు. గతంలో రేవంత్‌రెడ్డి విదేశీ పర్యటనలకు వెళ్లలేదా? అని ప్రశ్నించారు.విదేశీ పర్యటనల్లో దేశ వ్యతిరేక శక్తులతో మాట్లాడాల్సిన అవసరం ఏముందని రాంచందర్‌రావు నిలదీశారు. తెలంగాణ అభివృద్ధికి కేంద్ర ప్రభుత్వం ఎన్నో ప్రాజెక్టులు, నిధులు అందిస్తోందని తెలిపారు.కేంద్ర ప్రభుత్వానికి అన్ని రాష్ట్రాలు సమానమేనని స్పష్టం చేశారు. విదేశీ పర్యటనకు సంబంధించిన అంశాన్ని రాజకీయంగా చూడటం సరికాదన్నారు.రేవంత్‌రెడ్డి వ్యవహారంతో తెలంగాణ పరువు పోయిందని రాంచందర్‌రావు విమర్శించారు. ఈ విషయంలో సీఎం ప్రజలకు క్షమాపణ చెప్పాలని డిమాండ్ చేశారు.