కాకినాడలో సంచలనం.. ఏఈ కుటుంబం ఆత్మహత్య కేసులో సాధిక్ అరెస్ట్

కాకినాడలో సంచలనం.. ఏఈ కుటుంబం ఆత్మహత్య కేసులో సాధిక్ అరెస్ట్కాకినాడలో ఏఈ నూకరాజు కుటుంబం ఆత్మహత్య ఘటన కేసు దర్యాప్తులో పోలీసులు కీలక ముందడుగు వేశారు. ఈ కేసుతో సంబంధం ఉన్నట్లు అనుమానిస్తున్న సాధిక్‌ఖాన్‌ను ఉత్తరప్రదేశ్‌లో పోలీసులు అదుపులోకి తీసుకున్నట్లు సమాచారం.ఈ నెల 16న ఏఈ నూకరాజు కుటుంబం ఆత్మహత్య చేసుకోవడం కాకినాడలో తీవ్ర చర్చకు దారితీసింది. ఘటనపై కేసు నమోదు చేసిన పోలీసులు వివిధ కోణాల్లో దర్యాప్తు కొనసాగిస్తున్నారు. విచారణలో భాగంగా సాధిక్‌ఖాన్‌ పేరు తెరపైకి రావడంతో అతడి కోసం ప్రత్యేక బృందాలు గాలింపు చేపట్టినట్లు తెలుస్తోంది.సాధిక్‌పై ఇప్పటికే సర్పవరం పోలీస్‌స్టేషన్‌లో కేసు నమోదై ఉన్నట్లు సమాచారం. అలాగే రాజమండ్రి టూ టౌన్ పోలీస్‌స్టేషన్ పరిధిలోనూ అతడిపై మరో కేసు ఉన్నట్లు పోలీసులు గుర్తించారు. అంతేకాకుండా జగదీష్‌రెడ్డి హత్య కేసులోనూ సాధిక్‌ నిందితుడిగా ఉన్నట్లు తెలుస్తోంది.యూపీలో పట్టుబడిన సాధిక్‌ను కాకినాడకు తీసుకొచ్చి విచారించే అవకాశం ఉంది. అతడి విచారణ అనంతరం ఏఈ కుటుంబం ఆత్మహత్యకు సంబంధించిన మరిన్ని కీలక వివరాలు వెలుగులోకి వచ్చే అవకాశముందని పోలీసులు భావిస్తున్నారు.