గచ్చిబౌలిలో కొనసాగుతున్న సహాయక చర్యలు.. జయదర్శి అపార్ట్‌మెంట్ కూల్చివేతకు ఏర్పాట్లు.

హైదరాబాద్‌ గచ్చిబౌలిలో భవనం కూలిన ఘటన నేపథ్యంలో రెస్క్యూ, శిథిలాల తొలగింపు చర్యలు కొనసాగుతున్నాయి. అయితే రాత్రి కురిసిన వర్షంతో సహాయక చర్యలకు కొంత ఆటంకం ఏర్పడింది. శిథిలాలను తొలగించే పనులు వర్షం కారణంగా నెమ్మదించినట్లు అధికారులు తెలిపారు.ఇదిలా ఉండగా, ప్రమాదానికి గురైన జయదర్శి అపార్ట్‌మెంట్‌ను ఈరోజు కూల్చివేసే అవకాశం ఉన్నట్లు తెలుస్తోంది. ఇందుకోసం అధికారులు అవసరమైన ఏర్పాట్లు చేస్తున్నారు.నిన్న ఏడంతస్తుల భవనం కూలిపోవడంతో ఇద్దరు మృతి చెందారు. కేవలం 40 గజాల స్థలంలో ఏడంతస్తుల నిర్మాణం చేపట్టినట్లు అధికారులు గుర్తించినట్లు సమాచారం. ఈ నిర్మాణానికి సంబంధించి సాజిద్ అనే వ్యక్తి కోసం పోలీసులు గాలింపు చేపట్టారు. ఘటనకు సంబంధించిన పూర్తి వివరాలను అధికారులు సేకరిస్తున్నారు..