ప్రపంచ అగ్రగామిగా భారత్.. డిజిటల్ రంగంలో కొత్త శిఖరాలు

డిజిటల్ రంగంలో భారత్‌ ప్రపంచ అగ్రగామి దేశాల సరసన నిలుస్తోంది. కేంద్రంలోని మోదీ ప్రభుత్వం అమలు చేసిన డిజిటల్ విధానాలు, సాంకేతికత ఆధారిత సేవల విస్తరణతో దేశంలో డిజిటల్ లావాదేవీలు భారీగా పెరిగాయి. ముఖ్యంగా యూనిఫైడ్ పేమెంట్స్ ఇంటర్‌ఫేస్ (UPI) దేశ ఆర్థిక వ్యవస్థలో కీలక పాత్ర పోషిస్తోంది.గడిచిన పదేళ్లలో UPI లావాదేవీల విలువ రూ.314 లక్షల కోట్లకు చేరడం డిజిటల్ చెల్లింపుల విస్తృతిని సూచిస్తోంది. నగదు రహిత లావాదేవీలకు ప్రజలు వేగంగా అలవాటు పడటంతో పాటు, చిన్న వ్యాపారులు, సామాన్య ప్రజలకు కూడా డిజిటల్ చెల్లింపులు అందుబాటులోకి వచ్చాయి.ప్రతి ఏటా 155 శాతం వృద్ధితో భారత డిజిటల్ రంగం వేగంగా అభివృద్ధి చెందుతోందని పేర్కొంటున్నారు. స్మార్ట్‌ఫోన్ వినియోగం, ఇంటర్నెట్ విస్తరణ, డిజిటల్ చెల్లింపు వ్యవస్థల సౌలభ్యం ఈ వృద్ధికి ప్రధాన కారణాలుగా నిలుస్తున్నాయి.డిజిటల్ ఇండియా వంటి కార్యక్రమాలతో సాంకేతికతను ప్రజలకు మరింత చేరువ చేయడమే లక్ష్యంగా కేంద్ర ప్రభుత్వం ముందుకు సాగుతోంది. UPI విజయంతో భారత్‌ డిజిటల్ చెల్లింపుల రంగంలో అంతర్జాతీయంగా ప్రత్యేక గుర్తింపు సాధించిందనే అభిప్రాయాలు వ్యక్తమవుతున్నాయి