మల్లారెడ్డి యూనివర్సిటీలో ఉద్రిక్తత.. ‘టాక్సిక్’ ఈవెంట్‌లో పలువురు విద్యార్థులకు గాయాలు..

మల్లారెడ్డి యూనివర్సిటీలో ఉద్రిక్తత.. ‘టాక్సిక్’ ప్రీ-రిలీజ్ ఈవెంట్‌లో విద్యార్థులకు గాయాలుహైదరాబాద్‌లోని మల్లారెడ్డి యూనివర్సిటీలో ‘టాక్సిక్’ సినిమా ప్రీ-రిలీజ్ ఈవెంట్ సందర్భంగా ఉద్రిక్త పరిస్థితులు నెలకొన్నట్లు సమాచారం. హీరో యశ్‌ను చూసేందుకు భారీ సంఖ్యలో విద్యార్థులు తరలివచ్చారు. దీంతో ప్రధాన వేదిక సమీపంలో విద్యార్థుల మధ్య తోపులాట జరిగినట్లు తెలుస్తోంది.భారీగా విద్యార్థులు హాజరైన నేపథ్యంలో కొందరు విద్యార్థులు సొమ్మసిల్లి పడిపోయినట్లు సమాచారం. ఈ క్రమంలో సౌండ్ స్పీకర్లు విద్యార్థులపై పడటంతో పలువురికి గాయాలైనట్లు తెలుస్తోంది. గాయపడిన విద్యార్థులను వెంటనే అంబులెన్సుల ద్వారా ఆసుపత్రికి తరలించినట్లు సమాచారం.ఈ ఘటన నేపథ్యంలో వేదికకు దూరంగా జరగాలని విద్యార్థులకు మాజీ మంత్రి మల్లారెడ్డి, ప్రీతిరెడ్డి విజ్ఞప్తి చేసినట్లు తెలుస్తోంది. భారీగా విద్యార్థులు ఒకేసారి వేదిక సమీపానికి చేరుకోవడంతోనే ఈ ఘటన చోటుచేసుకున్నట్లు సమాచారం.ఘటనకు సంబంధించిన పూర్తి వివరాలు, గాయపడిన విద్యార్థుల పరిస్థితిపై అధికారిక సమాచారం వెలువడాల్సి ఉంది.స్థలం: మల్లారెడ్డి యూనివర్సిటీ, హైదరాబాద్.