పార్టీకి నష్టం జరిగితే కాపాడాల్సిందే: మంత్రి వాకిటి

కొండా సురేఖ ఎపిసోడ్‌పై మంత్రి వాకిటి శ్రీహరి కీలక వ్యాఖ్యలు చేశారు. పార్టీ బలంగా ఉంటేనే నాయకులందరికీ గుర్తింపు ఉంటుందని, పార్టీ లేకుంటే ఎవరూ ఉండరని అన్నారు. కొండా సురేఖపై కుట్ర చేయాల్సిన అవసరం ఎవరికీ లేదని స్పష్టం చేశారు.పెద్దరికం చేసే సమయంలో భూదేవికి ఉన్నంత ఓపిక ఉండాలని మంత్రి వాకిటి సూచించారు. కొండా సురేఖ, చిన్నారెడ్డి సహా ఎవరైనా పార్టీకి నష్టం జరగనంత వరకు సమస్య లేదని పేర్కొన్నారు. అయితే వ్యక్తిగత వ్యవహారాల వల్ల పార్టీ ప్రతిష్ఠకు నష్టం కలిగే పరిస్థితి వస్తే దాన్ని కాపాడాల్సిన బాధ్యత పీసీసీపై ఉంటుందని చెప్పారు.సీఎం రేవంత్ రెడ్డి వచ్చిన తర్వాత ఈ అంశాన్ని పరిష్కరించుకోవచ్చని మంత్రి వాకిటి తెలిపారు. పార్టీ ప్రయోజనాలు, ఐక్యతకు ప్రాధాన్యత ఇవ్వాల్సిన అవసరం ఉందని ఆయన వ్యాఖ్యల ద్వారా స్పష్టం చేశారు.